ايه يلى جد يا وردتى

إيه اللى جد ياوردتى
حوار داربينى وبين نفسى

قمت من نومى فى ميعادى
فتحت شباك الامل
عشان شمسه تدخل

غرفتى ويبدأ نهار جديد

وشربت فنجان قهوتى
ووردتى
وسط اوراقى
لونها النهاردة مش عادى
وكلامها ليا كان هادى
كان راضى
رضى ماضى
محستوش من زمن

إيه اللى جد يا وردتى

ده انا من ساعات مكنتش انا ولا
كانت دية دنيتى
ولا كان ده حالى
كنت بعيد عن فرحتى
عن بهجتى
كنت فاتر الاحساس
فاقد المعنى
مصدومة لأخر صدمتى
كانت اللقمة فى حلقى أمر من
العلقم
نازلة جوفى نار والعة
والكلمة
كانت غريبة عليا
مغلوبة مقهورة محرومة
من الحنية
والأه كانت دوايا
وونيسة وحدتى

إيه اللى جد ياوردتى

قالتلى والضحكة الجميلة منورة
كلمتها
بقالنا قد ايه بندى وبناخد ايه
بقالنا قد ايه بنبكى على ايه وليه
بقالنا قد ايه بنشكى
ومين سمع بينا او حسنا
او مر يوم علينا
وسألنا فى ايه
بقالنا قد ايه تايهين
فى بحور غريبه ناس بتهجرنا
وناس بتبكينا وناس بتغدرنا
وناس بتطعن فينا
وكل ده ليه و عشان ايه
واخرته ايه
عشان الحب قالوا عليه (قال حب ايه)
عندهم حق
بس انتى اللى مكبرها حبتين
عايزة الناس تعاملك بميزانك تشوف
بعنيكى
تحس بقلبك
تتكلم بلسانك احساسك

انت بتطلبى المستحيل

يعنى ايه ياوردتى
يعنى تعيشى يومك سعيدة ترمى احزانك بعيد
مفيش حد يستاهل دمعتك
مفيش حد يستاهل حنية قلبك وطيبة نفسك
مفيش حد اهم منك ولا اغلى منك
ولو فيه هتلاقيه
مادد ايديه بإحساس
حقيقى طبيعى
مش مجبور عليه ولا جايبه
فى السكه وهو جاى ولا مأجر عليه
واللى كان من ساعات مات
بوحاشتة واهانتة اللى عدت كل احساس
طيب كريم
عيشى يومك وانسى
انتى مش حديد

================================

شوهلكلام الرائع ياوردة والاحساس الجميل
عنجد تحفة والله تسلم هلانامل الرقيقة

ايه يلى جد يا وردتى 996589

مرسى ليك ياميرو ربنا يخليك

مرسى على كلامك الجميل لى زيك

ايه يلى جد يا وردتى 851664