نكت جميلا جداا فوك عن نفسك شويه

مرة واحد مشى المطعم ...سأل الطبخ: عندكم كنافة بالبصل؟؟؟؟
رد الطباخ مستغرب: لا والله ما عندنا.
جاه اليوم التاني وبرضه سألو: يازول ما عندكم كنافه بالبصل؟؟؟؟
رد الطباخ : لا يا خ ما عندنا.
وبقى كل يوم يمش عليه يسأله نفس السؤال
في اليوم العاشر صاحب المطعم زهج منه قال ليه : آآآآآآآآآآآآآآآآآىي عندنا كنافه بالبصل.
رد عليه اخينا: يييييييييييييييييييييييييع عليكم
.
هههههههههه________________________________________ _______.
ديك وجداده بيتشاكلو
الديك قال للجداده: تستفيدي شنو...تجيبي البيض والناس تاكلو
ردت الجدادة: اخير منك يا خوي ...آآذن ولا اصلي....
.

جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة.
.
_________________________________________.


جعلي وشايقي تايهين في الخلا .. فجأة طلع للشايقي جني .. شبيك لبيك وأنا بين أيديك .. لكن عليك أن تعرف أن أي حاجه تطلبها حا أدي الوراك (الجعلي) قدرها مرتين ..
قام الشايقي صنقع ودنقر .. وقال للجني .. بالله قد لي عيني دي.
.
____________________________________
مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا كلب طويل خلاص
.
_____________________________________
ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص (مجنونة بتتكلم مع المرايا)
.
________________________________________________
بلدياتنا بخاف خوف شديد خطب....اول زيارة لأهل الخطيبه قدمو ليهو شاي ليبتون (تي باك)...قال ليهم: اها من قولة تيت ساوين لينا عمل.
.
______________________________________________
.
واحد غبي وزنه زايد مشى للدكتور..الدكتةر طلب منه كل يوم يمشي 3 كيلو. بعد 4 ايام اتصل على الدكتور وقال ليهو: اها انا في الدامزين ...اواصل ولا خلاص.
.
______________________________________________
.
بت غبيه غباء ما طبيعي....خطيبها رسل ليها اول رسالة حب وبين كل فقرة والتانية يكتب ليها. آه آه....
قالت ليه: جوابك سمح خلاص لكن 51 دي شنو ما عرفتها ..المصاريف ولا شنو؟؟؟؟
.
_____________________________________________
رباطاب عندهم وفاة بحفروفو في قبر مر بيهم جنوبي قال ليهم ياشباب
ان شاء ماعندكم عوجة قالوا ليه لالا بنفتش لنا في صارقيل.
.
_____________________________________________

شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
.
_________________________________

سته شايقيه غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو

.
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو
.
______________________________________

دار الحوار التالي بين الرباطابي وابنه:
الولـــــــــد : يابا يابا شوف الفار
الرباطابي : تقول لي الفار نان قايلني كديسي
الولــــــــد: نان يا يابا انا قلتا ليك اكـــــــــلو ؟
.
________________________________________________
قالو ليكم جعلي ركب مواصلات الخرطوم امدرمان ومع السخانة بتاعت الجو صاحبنا مسخن وما عاجبو ليك الحال وقاعد جنبو واحد هدندوي وشغال ليك لي الهدندوي نحنا ناس المك نمر نحن ناس الحارة ونحنا ونحنا وداير الهدندوي يتكلم باي طريقة عشان يشاكل معاهو والهدندوي ساكت ساي بس لامن البص وصل امدرمان قام الجعلي قال لسواق البص بالله محطة الدايات يازول بس اول ما الجعلي نزل والباص بقى متحرك قام الهدندوي طلع راسو بالشباك وكورك ليهو : عليك الله حسي دي محطه ينزل فيها راجل.
.
_________________________________________________
.مسطول ماشي في غابه قام لحقو اسد المسطول جاري والاسد جاري وراهو
المسطول لمن تعب قال للاسد تعال اكلني تاكل السم ..
.
________________________________________________
.
قالوا مسطول سالوهو : اضانك دي الحرقا ليك شنو ؟
قال ليهم : كنت بكوي في الملابس والتلفون ضرب بدل ما اشيل السماعة شلت المكوه ..
قالوا ليهو : طيب اضانك التانية الحرقا شنو ؟؟
قال ليهم : ما الحيوان ده اتصل تاني ..
.
________________________________________________
.واحد ايمانوا ضعيف وفى نفس الوقت غبى جدآ اتلموا فيهو عشره شياطين......
واحد يوسوس وتسعه يشرحو ليهو