كلام شوارع .... متجدد ان شاء الله

]كلام شوارع متجددان شاء الله

يمكن الاقيكم استغربتوا من عنوان الموضوع

ايوه كلام الشوارع

لالالالالالالالالالالالالالا

مش تفهمو غلط خالص

مش الكلام الوحش اللي في الشارع لا طبعا

اخنا هنتكلم هنا هنا كلام النس اللي بيتقال في

الشارع المصري

من نم ودردش مع بعض

هنشوف عم سعد النجار بيقول ايه لجاره عم ابراهيم عن احوال البلد

ولا الست ام احمد بتاعه الخضار وهي بتكلم زبونه عن الاسعار

ولا انا وانت وهي لما نتكلم مع بعض

ولما نقعد ونتريق علي بعض

والشعب المصري معروف بهزره وتطليع النكت علي نفسه
وغير كتييييييييييييييييير من كلام في الشارع

لو عجبتكم الفكره

تعالوا هنا نقعد مع بعض ونقول اللي سمعنها من كلام شوارع

لحد ما احضر القاعده واجب بسرعه

دى القعدة بتاعتنا..زى منو شايفين قعدة على الطراز الشعبى

القديم ...كل حاجة هنا مصريه شعبية

كلام شوارع .... متجدد ان شاء الله 3sh8-ro7y-edd32d634e

الشاى ابو نعناع

كلام شوارع .... متجدد ان شاء الله 34783

السحلب

كلام شوارع .... متجدد ان شاء الله Jamaica-mexican-hibiscus-tea

كركدية..كله موجووووووووووود

الناس بتتكلم انهاردة عن البلطجة والحوادث اللى حصلت ورا بعضها..طب دى الشرطة نزلت باعداد كبيرة اوى يبقى الغلط فيييييييييييييين..؟

الخناقات اللى فى الشؤابية بالمطاوى والرصاص..حادثة قتل محمد داغر مصمم الازياء..حادثة البلطجة جنب مدرسة فى التجمع..حادثة اختطاف

بنت عفت السادات وسرعة ضبط الجناة...طب يا جماعة مالشرطة شغالة اهى وآخر حلاوة..وتلاقيهم فى كل مشكلة قايمين بدور.. انتوا مش

واخدين بالكوا وللا ايييييييييييييييييه؟

طبعا الكلام عن المرشحين لرئاسة الجمهورية شغااااااااال فى كل حتة خصوصا ان فى

ناس جديدة بنسمع عنها كل يوم..امبارح شفنا قائد اركان حرب سابقا مجدى حتاتة فى العاشرة

مساء وهو بيتكلم عن نيته للترشح للرئاسة..ونظرته لمستقبل مصر وبعض آراءه فيما يجب ان

نفعله فى المرحلة القادمة..ناس كتير اعجبت به وبكلامه وبثقته بنفسه وافكاره المرتبة وولاءه

وحبه لمصر... ناس تانية قالت لااااااااااااا هو احناحنرجع تانى لحكم العسكر..مش ممكنننننننننن

الناس الاولانية قالت لهم دا خلاص بقى مدنى وبقالوا عشر سنين سايب الجيش...ناس تالتة بقى

ودول الخبثاء بتوع نظرية المؤامرة بيقولوا آآآآآآآآآآآآآآآآآآآآه دا حيبقى مرشح الجيش طبعا..مهو

الجيش طول عمره فى الحكم ومش حيتنازل عنه بسهولة...وانا بقى عوزاكوا تقولوالى سمعتوا اييييييه

ورأيكوا ايييييييييييييييييييييه؟

الناس بتتكلم انهاردة عن احداث ميدان التحرير وحقيقة اللى حصل

الموقف ملتبس عالآخر..

فى اقاويل ان ناس لبسه لبس عسكرى دخلت الميدان واثارت الجماهير

ضد الجيش..هل هم ضباط جيش فعلا وللا لا..؟ والجيش بيقول انه اقتحم

الميدان مع الامنت المركزى للقبض على بلطجية بيروعوا الناس هناك

فى مصابين وواحد ميت بسبب استخدام الرصاص..وناس بتقول الرصاص

كان فى الهوا والجيش بيقول انه رصاص فارغ ..

ناس بتقول ان المعتصمين كانوا بيحموا الضباط من الاعتقال وناس بتقول

لا دول اعتصموا لانهم صدقوهم ..الدنيا ملخبطة بس كون الجيش حذر الناس

من بعض من يرتدى ملابس عسكرية وهو ليس عسكرى..وكونه قبض على احد

رجال الاعمال منت الحزب الوطن فدا ممكن يقول انها وقيعة قاموا بيها عشان يفرقوا

الجيش والشعب عن بعض ودا اللى ممكن يضيع البلد ويسلم الثورة لاعداءها

الناس بتتكلم كمان عن حادثة مصمم الازياء والعلاقة الغريبة اللى ممكن تربط بين شخص فى مكانته الاجتماعية وشهرته ونجاحة..وبين مجند

سابق مجهول ..الله اعلم

[size=21]
بقوللكوا اييييييييييييييييييييه

تيجوا نرتاح من الكلام فى السياسة شوية كدة وناخد حاجة ساقعة سوا..؟

كلام شوارع .... متجدد ان شاء الله Drink_01%5B1%5D

كلام شوارع .... متجدد ان شاء الله Drink_01%5B1%5D

اتفضلوا ..ألف هنا وشفا[/size]

الناس كلها بتتكلم عاللى حصل فى ميدان التحرير,,,الكلام طاير فى كل حتة..فى الشوارع..وعلى محطات الاتوبيسات..عالفيس بوك وتويتر

والمواقع الاجتماعية المختلفة..حتى الجيران والبوابين ..الناس فى السوبرماركات..كله خايف اووووووووووى من وقيعة بين الجيش والشعب

الجيش هو المؤسسة الوحيدة الغير ملوثة لحد الآن..وهو آخر مؤسسة منضبطة,, وآخر حصن يحمى الثورة..الكل خايف مصر تدخل فى دوامة

عنف تاخدها سنين ونبقى اتحولنا لعراق تانية..مش معنى كدة ان حد يترحم
عالعهد البائد خاااااااااااااااااااالص لان الثورة اساسا هى الامل الوحيد

الباقى لمصر..وفى نهاية المطاف مصر حتبقى بلد حرة ديمقراطية شعبها محترم..لكن مع العهد البائد الذل والهوان وحياة العبيد كانت هى

الحاضر والمستقبل..يارب احمى بلدنا..وثورتنا..وقواتنا المسلحة

الناس بتتكلم دلوقتى عن الشريط اللى اذيع بصوت مبارك وبيدافع فيه

عن نفسه فى موضوع الفلوس ... طبعا البعض بيقول انه بيحاول كسب

التعاطف عشان موضوع المحاكمات..وبيلعب يعنى على مشاعر الناس

والحقيقة انا شايفة انه مازال بيستهتر بعقول الناس..والخطاب دا يشبه

بالضبط الخطاب اللى اثار الناس عليه قبل التنحى ...نفس الاسلوب بالضبط

ما شاء الله عليكى يا شهد

توبيك أكثر من رائع

ومن شأنه ان يجعل أعضاء منتدانا الكرام على درايه بما يحدث فى العالم

فالأحداث سريعا ما تتناقل بعض الأشخاص فى الشوارع

ومن خلال هذا الموضوع سوف يكون منتدانا الكريم أحد أفراد هذه الشوراع

وينقل لنا كل ما يدور فى أذهان الناس أول بأول

تسلم أيديكى يا شهد على فكره الموضوع والمجهود المميز

وإن شاء الله أكون متواجد معكم بإستمرار فى هذا التوبيك اللذيذ

ويثبت بلا أدنى شك

ميرسي يا حسام

الناس انهاردة بيتكلموا كتيييييييير اوى...الاحداث بتتلاحق بسرعة فى الفترة الاخيرة

خصوصا مع تصاعد اعمال الثورة المضادة وتوالى عمليات القبض على المسئولين الكبار

دخلنا فى الجد والحمدلله..شفنا زكريا عزمى فى القفص ونظيف كمان..الناس بيقولوا الحكومة

كانت فى السجن مستنية رئيسها والحمدلله وصل لهم..كدة الحبايب اتجمعوا ربنا ما يقطعلهم عادة

دا مش كلامى واللهى...دا كلام الشعب..الصبح كنت واقفة فى البلكونة وسامعة البوابين واقفين

مع بياعين الجرايد وبيتريقوا وآخر سعادة وهم حاسين ان الناس اللى سرقوا البلد وداسوا على

كرامة ولادها سنين طويلة جه اليوم اللى يتحاسبوا فيه على ظلمهم..

" يمهل ولا يهمل "

الناس بتتكلم عن استدعاء النائب العام لحسنى مبارك واولاده

للتحقيق معهم..والكل منتظر يشوف ايه اللى حيحصل..

كمان الناس بتتكلم عن المؤامرة اللى حصلت فجر السبت من عناصر

الثورة المضادة ومحاولتهم الاستيلاء على المنصة وازاى حاولوا يرموا

الشيخ صفوت حجازى من فوقها ودى ارتفاعها 3 متر يعنى ممكن الراجل

يموت فيها ..عشان كدة هو قدم بلاغ فى القسم ضدهم وطبعا المؤامرة بدأت

تتكشف من التحقيقات بعد القبض على مجموعة وسماع اقوالهم.. ربنا يحفظ بلادنا من

فلول النظام اللى بدأوا يصعدوا الموقف بعد ما بدأت الرؤوس الكبيرة تقع ورا بعضها

وانشاء الله لما مبارك واسرته يشرفوا فى السجن الدنيا حتبدا تهدا

» السيارات الخليجيه فى شوارع اوروبا - ما شاء الله
» حوار سيدنا محمد صلى الله عليه وسلم مع أبليس لعنه الله
» *أغرب شوارع في العالم*