طرق الزواج

موضوع: طرق الزواج الجمعة يونيو 06, 2008 3:49 pm

طرق الزواج على مر التاريخ

مصر الفرعونية

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
مبروك يا تاح

مصر فى عصر الرومان

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا

مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... قيموا الافراح

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا

مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

مصر 1990

البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

مصر 2008

بابى دودى على اللى اتعرفت عليه من الشات مشغل الويب كام و عايز يكلمك علشان يقراء معاك الفتحه اصله ملتزم اوى و مصمم يدخل البيت من ماسنجره اقصدى من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و الميك واناهلبس انا و مامتك ونجى نقراء الفتحه مش انتوا اتفقت على كل شى يا روحى يلا ربنا يتمملكم بخير

موضوع: رد: طرق الزواج الجمعة يونيو 06, 2008 4:45 pm

:D :D

موضوع جميل والله يا أخ محمد

بس هو فيه أبهات متساهلة للدرجادي اليومين دول

مكانشي ظهرت أزمة تأخر سن الزواج بين الشباب والبنات

عموما الحاجات دي ممكن تحصل فعلا بدون مبالغة في البلاد الأوروبية

وشكرا على الموضوع الجميل

موضوع: رد: طرق الزواج الأحد يونيو 08, 2008 4:45 pm

موضوع ممتع فعلا

فجميل جدا ان نرى تطور طرق الزواج على مر التاريخ

;) ;) ;)

و لكن للاسف هى خياليه فقط

فما يحدث فى ارض الواقع ان الاهل يفرضوا العراقيل امام الزوج

حتى اذا كان ذلك ظنا منهم ان هذا فى مصلحه ابنتهم لتأمين حياه سعيده لها

ففى المقابل سوف يتأخر سن الزواج لدى الشباب كثيرا

ولكن فى المقابل لن يصل التساهل ابدا الى هذا الحد

مصر 2008

;) ;) ;)

مشكور يا محمد على موضوعك الروعه

واتمنى الا تحرمنا من المزبد

:11: :11: :11:

» أهداف الزواج
» غرائب الزواج عند شعوب العالم
» الاحتفال بذكري الزواج بعد سنوات