ماذا تفعل لو....؟؟؟

هذه المسابقة مفيدة وممتعة حيث أنها تعمل على تبادل الأعضاء في المنتدى لخبراتهم ومعرفة سلوكياتهم ومدى قدرتهم على مواجهة المشاكل

المسابقة واضحة من عنوانها وهي أني سأقوم بوضع موقف (طبعا صعب وممكن أحيانا يكون محرج كمان) في شكل سؤال

واللي بعدي يجاوب عليه بمنتهى الصراحة ويسأل هو السؤال اللي بعده

نبدأ في أول سؤال

ماذا تفعل لو....

كنت مدعو إلى حفلة زفاف ولابس في منتهي الشياكة وجلست على كرسي مبلل بالعصير؟

لعيه تحفه يا محمد

وفكرتها حلوه أوى
تثبت اللعبه بلا شك

اما بالنسبه للسؤال الاولكنت مدعو إلى حفلة زفاف ولابس في منتهي الشياكة وجلست على كرسي مبلل بالعصير؟

موقف صعب أوى يا محمد

لو حصلى كده، ححاول ابعد شويه عن الناس و انشف الهدوم بأى طريقه

ولو مفيش أمل، حأغادر الحلفه بأسرع وقت وامرى الى الله

طيب، ماذا تفعل لو

رحت مطعم و طلبت اكل كتير، و بعد ما خلصت أكل جيت تحاسب لقيت انك نسيت المحفظه فى البيت، وان الموبايل فاصل شحن؟؟؟

طبعا مش حقولهم اني ممكن امسح المحل او اغسل الأطباق
بس ممكن قوى اطلب منهم اتكلم في تليفون المحل واطلب من واحد صاحبي ييجي ومعاه فلوس كتير
أو حتى اسيبلهم الموبايل رهن لحد ما ارجع

ماذا تفعل لو:
واحد مهم جدا بس معرفة عزمك على الغداء وقالك ان الأكل ده بيتي يعني مراته هي اللي عملاه بس الأكل وحش جدا وطعمه لا يطاق

تصرف منطقى جدا يا محمد

بس المهم المحل يطلع فيه تليفون

ماذا تفعل لو:
واحد مهم جدا بس معرفة عزمك على الغداء وقالك ان الأكل ده بيتي يعني مراته هي اللي عملاه بس الأكل وحش جدا وطعمه لا يطاق

موقف ممكن ان يحدث لنا جميعا

وفى هذه الحاله لن أأكل كثيرا من الطعام

ولكنى لن اظهر انه سيئ

وسوف احاول ان اجامل على قدر الامكان

ماذا تفعل لو
كنت عازم زمايلك على الغداء
وعامل الاكل بايدك، ولكن للاسف اكتشفت فى اخر لحظه انك وضعت فى مكونات
الطعام ماده خاطئه غيرت فى الطعم كثيرا؟؟؟

ممكن الحق اتصل بأي مطعم يبعت دليفاري وأقول لصحابي اني كنت عامل الأكل مقلب فيهم

طيب تعمل ايه لو ركبت اتوبيس وضاعت منك التذكرة ومعاكش فلوس خالص؟

موقف صعب بالطبع يا محمد

بالنسبه لى، سوف اشرح للكمسرى ما حدث

ومن المؤكد ان مظهر الانسان يوضح انه يكدب ام يقول الحقيقه

واتوقع ان يتفهم الكمسرى الامر وقتها

ماذا تفعل لو اهدى لك صديق فى عيد ميلادك هديه لا تروق لك على الاطلاق؟

طبعا أقبلها ولا أظهر له اي ضيق منها

وبعد ما يمشي آخذها وألقي بها في أقرب صندوق قمامة

ماذا تفعل لو انك ركبت اتوبيس (مش عارف ايه حكايتي مع الأتوبيسات) وبمجرد انك ركبت فيه لم تجد موبايلك؟

اقتباس :

وبعد ما يمشي آخذها وألقي بها في أقرب صندوق قمامة

مش حرام عليك يا محمد الراجل تاعب نفسه و مكلف هديه بالشئ الفلانى

اقتباس :

ماذا تفعل لو انك ركبت اتوبيس (مش عارف ايه حكايتي مع الأتوبيسات) وبمجرد انك ركبت فيه لم تجد موبايلك؟

انت بتركب اتوبيسات بس ولا ايه يا محمد؟

سوف احاول وقتها اتذكر اين وضعته اخر مره

واذا تأكدت انه كان معى وضاع او تم سرقته

سوف اذهب واحرر محضر بقدانه

ومن ثم اذهب لفودافون لأوقت الخط

وابدأ التفكير فى شراء موبايل جديد مؤقت

ماذا تفعل لو دخلت محل لتشترى ملابس

وبعد ان قضيت ساعات داخل المحل و دوخت العمال معك

وقت الحساب اكتشفت انه ليس معك المبلغ المطلوب؟

» ماذا كنت تفعل فى هذه الساعه؟
» دعوه للنقاش : ماذا تفعل لو كنت مكان حسام البدرى وسط 17 مهاجما
» كيف تفعل برنامج Kaspersky المضاد للفيروسات